मीरा भाइंदर शहरात “स्वच्छतेची दिवाळी” हा उपक्रम राबविण्यात यावा असे निर्देश आयुक्त दिलीप ढोले यांनी सार्वजनिक आरोग्य विभागाचे उपायुक्त अजित मुठे यांना दिले.त्यानुसार उपायुक्त अजित मुठे यांच्या नेतृत्वाखाली सार्व.आरोग्य विभागामार्फ़त “स्वच्छतेची दिवाळी” हा नाविन्यपूर्ण उपक्रम स्वातंत्र्याच्या “अमृत महोत्सवी वर्षात साजरा करण्यात आला.यावेळी शहरातील सर्व रस्त्यांच्या नियमित करण्यात येणाऱ्या साफसफाईसोबतच सर्व चौकांची ही स्वच्छता सार्वजनिक आरोग्य विभागामार्फत करण्यात आली. यावेळी शहरातील ७५ चौक सुशोभित करुन पणत्या व रांगोळ्या काढण्यात आल्यात.

यावेळी मा.महापौर,मा.आमदार,मा.आयुक्त   मा.नगरसेवक,पत्रकार,शहीद मेजर कौस्तुभ राणे यांचे आई–वडील, शहरातील नागरीक ‌व महापालिकेचे सर्व अधिकारी/कर्मचारी उपस्थित होते.

स्वच्छतेची दिवाळी हा अभिनव उपक्रम महाराष्ट्रात पहिल्यांदाच मिरा भाईंदर महानगरपालिका कार्यक्षेत्रात राबविण्यात आला आहे.कोरोनाची परिस्थिती हळूहळू निवळत आहे.अशा परिस्थितीत नागरिकांमध्ये सकारात्मक यावी व जनजीवन सुरळीत व्हावे या उद्देशाने हा उपक्रम राबविला गेला.

हा उपक्रम सन्मा.नगरसेवकांच्या सहभागातून व नागरिकांच्या उस्फूर्त प्रतिसादातून महापालिकेचा एकही रुपया खर्च न करता राबविण्यात आला.

उपायुक्त अजित मुठे यांच्या मार्गदर्शनाखाली राबविण्यात आलेल्या या कार्यक्रमाबाबत बोलतांना मिरा भाईंदर शहराच्या महापौर श्रीमती ज्योत्स्ना हंसनाळे यांनी सांगितले कि,आज मिरा भाईंदर शहरात राबविण्यात आलेल्या या उपक्रमामुळे नागरिकांमध्ये चैतन्य निर्माण झाले आहे.गेली दोन वर्षे आपण कोविड या भयंकर साधीच्या रोगाशी लढा देत असून मिरा भाईंदर महानगरपालिकेचे आयुक्त दिलीप ढोले, उपायुक्त अजित मुठे (सार्वजनिक आरोग्य) त्यांचे कर्मचारी यांनी घेतलेल्या परिश्रमाची निष्पत्ती म्हणजे आज मिरा भाईंदर शहरात कोरोना रुग्णांची संख्या अतिशय अल्प आहे.आजचा हा उपक्रम चैतन्याकडे घेवून जाणारा आहे.