• बाह्यरूग्ण सेवा :-  सकाळी 09:00 ते 01:00, केस पेपर शुल्क रू. 5/-.
• जेष्ठ नागरिकांना सर्व औषधोपचार मोफत देण्यात येतात.
• श्वानदंशावरील इंजेक्शन निशुल्क
• युरीन प्रेग्नन्सी टेस्ट मोफत
• मलेरिया रक्त तपासणी व औषधोपचार मोफत देण्यात येतो.

• नियमित लसीकरण :-  या कार्यक्रमात गरोदर माता, 0 ते 16 वयोगटातील लाभार्थी यांना आरोग्य कर्मचाऱ्यांमार्फत आरोग्य संस्थेत तसेच कार्यक्षेत्रात प्रसविकांमार्फत राष्ट्रीय लसीकरण वेळापत्राकानुसार लसीकरण करण्यात येते.
• जननी सुरक्षा योजना :- या योजने अंतर्गत दारिद्रय रेषेखालील तसेच अनुसूचित जाती व अनुसूचित जमातीतील गरोदर स्त्रीयांना संस्थेत (दवाखान्यात) प्रसुति झाल्यानंतर रु. 600/- अनुदान देण्यात येते. घरी प्रसुती होणाऱ्या मातांना रु. 500/- अनुदान देण्यात येते. तसेच खाजगी मानांकीत  रूग्णालयात सिझेरीयन शस्त्रक्रिया झाल्यास रु. 1500/-  अनुदान देण्यात येते. सदर अनुदान संबंधित लाभार्थ्यांच्या बँक खात्यात जमा केले जाते. याकरिता संबंधित लाभार्थ्यांचे बँक खाते असणे बंधनकारक आहे.
• जननी शिशू सुरक्षा कार्यक्रम :- मिरा  भाईंदर महानगरपालिकेच्या भारतरत्न इंदिरा गांधी रुग्णालय येथे जननी शिशू सुरक्षा कार्यक्रम राबविण्यात येतो. सदर योजनेमध्ये स्त्री गरोदर राहिल्यापासून तिची प्रसूति होईपर्यंत  प्रसूतिच्या निगडीत सर्व तपासण्या व उपचार मोफत दिले जातात. प्रसूति मोफत केली जाते. सिझेरियन शस्त्रक्रिया ही

 मोफत केली जाते. तसेच महानगरपालिकेच्या दवाखान्यातून गरोदर मातेस इतर रुग्णालयात संदर्भित करण्याकरिता वाहन व्यवस्था केली जाते. जन्मापासून ते 1 वर्षा पर्यंत नवजात शिशूलाही मोफत तपासणी व औषधोपचार देण्यात येतो.  तसेच गंभीर आजारी बालकांना संदर्भित करण्याकरिता वाहन व्यवस्था करण्यात येते. तसेच प्रसूतीनंतर मातेला 

रुग्णालयात असे पर्यंत मोफत आहार पुरविला जातो.

• पल्स पोलिओ मोहीम :- पल्स पोलिओ मोहिमेत 0 ते 5 वयोगटातील मुलांना पोलिओची लस पाजण्यात येते. सदर कार्यक्रम एकूण 6 दिवस राबविण्यात येतो. शासनाने नेमून दिलेल्या तारखांना सदर कार्यक्रम राबविण्यात येतो.
• मनपा शालेय आरोग्य तपासणी कार्यक्रम (RBSK)
•  राष्ट्रीय बाल स्वास्थ्य कार्यक्रम जिल्हा शल्य चिकित्सक पथकामार्फत (RBSK) वर्षातून दोन वेळा 1. मनपा शालेय आरोग्य तपासणी कार्यक्रम 2. शहरी व ग्रामीण अंगणवाडी तपासणी 3. मनपा बालवाडी तपासणी
• जंतनाशक औषधी वाटप मोहीम:-  
• शासनाच्या आदेशानुसार  मिरा भाईंदर महानगरपालिका कार्यक्षेत्रातील 1 ते 6 वयोगटातील बालकांना जंतनाशक औषध वाटप करण्यात येते. 
• कुटुंब कल्याण कार्यक्रम :-या कार्यक्रमात आरोग्य केंद्रातील कर्मचाऱ्यांमार्फत जननक्षम जोडप्यांना कुटुंब नियोजनाच्या तात्पुरत्या व कायमच्या पध्दतींबाबत माहिती देऊन त्या वापरण्यासाठी प्रवृत्त करण्यात येते. महानगरपालिकेच्या भारतरत्न इंदिरा गांधी रुग्णालय येथे कुटुंब नियोजन शस्त्रक्रिया सुविधा मोफत पुरविली जाते.

• स्त्री नसबंदी शासन मोबदला
• दारिद्रय रेषेखालील         600/- 
• दारिद्रय रेषेवरील250/- 
• प्रवर्तक                        150/-