प्रभाग समिती क्रं.१

प्रभाग समिती क्र.01 कार्यालयाकडे येणा-या नागरीकांच्या समस्या सोडविणे, अनधिकृत बाधकामांवर नियंत्रण ठेवणे, विवाह नोंदणी, मैदान, समाज मंदिर, मनपा शाळा, हॉल / वर्ग, पटांगण, मंडप, स्टेज परवानगी देणे तसेच मालमत्ता कर विषयक बाबी पाहणे मालमत्ता हस्तांतरण, मालमत्ता कर वसुली, किरकोळ नावात दुरुस्ती व प्रभाग समिती कामकाज इ.

·         प्रभागातील सर्व विभागावर नियंत्रण ठेवून दैनंदिन कामकाज करणेसाठी सूचीत करणे व प्रलंबीत कामाचा आढावा घेणे. मा.खासदार, आमदार, नगरसेवक, शासकीय पत्रे तसेच नागरीकांचे पत्रे यांच्या तक्रारी अनुषंगाने कार्यवाही करणे.

·         प्रभागातील अनधिकृत बांधकामाचा कनिष्ठ अभियंता व त्याचे हाताखालील कर्मचाऱ्यांमार्फत अनधिकृत बांधकामांचा शोध घेणे व अनधिकृत बांधकाम निदर्शनास आल्यास तोडक कार्यवाही करणे.

·         मा. प्रभाग समिती अध्यक्ष यांच्या सुचनेनुसार प्रभाग समितीची महिन्यातून एक सभा आयोजित करणे. 

• प्रभागाच्या परीसरातील नागरीकांकडून येणाऱ्या विवाह नोंदणीच्या अर्जानुसार विवाह नोंदणी करुन त्यांना प्रमाणपत्र देणे.
• मालमत्ता कराची वसुली करणे, थकबाकीदार यांनी मालमत्ता कराचा भरणा न केल्यास त्यांची मालमत्ता अटकावणे व त्यांच्या मालमत्तेचे नळ कनेक्शन खंडीत करणे.
• नवीन झालेल्या बांधकामाचा (मालमत्ता) यांचा कर निरीक्षक यांचेकडून शोध घेवून 1 लक्ष कर योग्य मूल्य असलेल्या मालमत्तांना प्रभाग स्तरावर नियमानुसार कर आकारणी करण्यात येते व 1 लक्ष पेक्षा जास्त कर योग मूल्या असलेल्या मालमत्तांना कर आकारणी करणेचे प्रभाग स्तरावरुन मुख्य कार्यालयात पाठविले जातात.
• प्रभाग कार्यालयाच्या हद्दीमधील रस्तयावर अडथळा होणार नाही याबाबत वाहतूक शाखा (पोलिस निरिक्षक) मंडप टाकणेस व बॅनरवर लावणेस नियमानुसार परवानगी देण्यात येते.
• प्रभाग कार्यक्षेत्रात असलेले समाजमंदिर, शाळेचे वर्ग यांचे नियमानुसार भाडे वसूल करुन परवानगी देणे.
• प्रभाग कार्यक्षेत्रात होणाऱ्या चित्रीकरणासाठी परवानगी देणे व परवानगी न घेतलेल्या व्यक्तींवर रु.5 लाख दंड आकारणेची कार्यवाही केली जाते.
• प्रभाग कार्यक्षेत्रांतर्गत प्राप्त होणाऱ्या परवान्याच्या अर्जानुसार कारखाने / दुकाने यांना व संबंधीतांस नवीन परवाने देणे व नुतनीकरण करणे.
• प्रभाग कार्यक्षेत्रातील प्राथमिक शाखा व प्रशासन आणि शाळांच्या जागा, कर्मचारी वर्ग, फर्निचर, साधनसामुग्री, दुरुस्त्या, शाळांच्या गरजा ठरविणे व त्याबाबतीत शिक्षण विभाग व महानगरपालिकेकडे मागणी करणे. नवीन शाळा उघडण्यासाठी प्रस्ताव पाठविणे, प्रभागाच्या अधिनस्त शाळांमध्ये ग्रंथालय, वाचनालय, विज्ञान प्रयोगशाळा, गणित प्रयोगशाळा, संगणक लॅब व इतर शैक्षणिक सुविधांची गरज निश्चित करणे व आवश्यकतेनुसार मागणी करणे. शाळांमध्ये शाळा व्यवस्थापन अध्यक्षतेसाठी नामनिर्देश करणे तसेच शिक्षण विभागासंदर्भात कामे पाहणे.
• ना फेरीवाला क्षेत्रात अनधिकृतरित्या बसलेल्या फेरीवाल्यावर मा.न्यायालयाच्या आदेशानुसार व नियमानुसार कार्यवाही करणे.
• प्रभाग कार्यक्षेत्रातील सार्वजनिक बांधकाम विभागाने धोकादायक घोषीत केलेल्या इमारती पोलिस बंदोबस्त घेवून रिकामे करुन ठेकेदारांमार्फत तोडून घेणे, प्रभाग कार्यक्षेत्रातील प्रभाग समिती निधीतील रु.10.00 लक्ष कामांना प्रशासकीय आर्थिक मान्यता देण्यासाठी प्रभाग समिती सभेपुढे प्रस्ताव देणे.
• प्रभाग कार्यक्षेत्रातील आरोग्‍ विभागातील जलनि:सारण व मलनि:सारण कामे पाहणे, स्च्छता विषयक तरतुदींची अंमलबजावणी करणे, घनकचरा व्यवस्थापन नियम 2016 नियमाचे तरतुदीनुसार कार्यवाही करणे, दैनंदिन साफसफाई व स्वच्छता निरिक्षक व कर्मचाऱ्यांवर नियंत्रण ठेवणे.
• प्रभाग कार्यक्षेत्रातील पाणी पुरवठा वितरण संबंधी व बीला संबंधी तक्रारी स्वीकारणे, बिलाची नक्कल प्रत देणे, थकबाकी नसल्याचा दाखला देणे, पाणी देयकात नावात बदल करणे, पाणी पुरवठा खंडीत झाल्याच्या वेळी व धार्मिक कार्यक्रमासाठी पाण्याचे टँकर देणे.